AN DARA SCEIDEAL

Boird Staidéar

Alt 9.

1. Is iad a bheidh ar bhord staidéar an Stiúrthóir agus cibé líon de na comhaltaí eile is cuí leis an gComhairle agus féadfaidh sé, de rogha na Comhairle, gurb iad a bheidh air, ar leith ón Stiúrthóir, go páirteach daoine is comhaltaí den Chomhairle agus go páirteach daoine eile, nó daoine eile go heisiatach nach comhaltaí den Chomhairle.

2. Féadfaidh an Chomhairle duine a cheapadh le bheith ina chathaoirleach ar bhord staidéar.

3. Maidir le ceapadh duine ag an gComhairle chun bheith ina chomhalta de bhord staidéar beidh sin faoi réir cibé coinníollacha (lena n-áirítear coinníollacha maidir le téarmaí agus seilbh oifige an chomhalta) is cuí leis an gComhairle, le toiliú an Aire arna thabhairt le comhthoiliú Aire na Seirbhíse Poiblí, a fhorchur le linn di an ceapadh a dhéanamh.

4. Féadfar cibé caiteachais taistil agus cothabhála a chinnfidh an tAire, le comhthoiliú Aire na Seirbhíse Poiblí, a íoc as airgead a bheidh faoina réir ag an gComhairle le comhaltaí de bhord staidéir.

5. Féadfaidh an Chomhairle tráth ar bith bord staidéar a dhíscaoileadh nó comhalta de bhord staidéar (seachas an Stiúrthóir) a chur ó bheith ina chomhalta den bhord.