|
|||||
|
An Chéad Lch. | Lch. Roimhe Seo (CUID V Pleananna Bainisteoireachta Aercháilíochta agus Caighdeáin Aercháilíochta) | Ar Aghaidh (AN CHÉAD SCEIDEAL Truailleáin Lena mBaineann an tAcht) |
AN tACHT UM THRUAILLIÚ AEIR, 1987
[EN] | ||
[EN] |
CUID VI Ilghnéitheach | |
[EN] |
Monatóireacht ar aercháilíocht agus ar astaíochtaí. |
54. —(1) Déanfaidh údarás áitiúil, nó cuirfidh sé faoi deara go ndéanfar, cibé monatóireacht— |
[EN] | (a) ar aercháilíocht, agus | |
[EN] | (b) ar chineál, ar mhéid agus ar thionchar astaíochtaí, | |
[EN] | is dóigh leis an údarás áitiúil is gá chun a fheidhmeanna faoin Acht seo a fheidhmiú nó a ordóidh an tAire dó a dhéanamh. | |
[EN] | (2) Déanfaidh údarás áitiúil nó cuirfidh sé faoi deara go ndéanfar, cibé taifid ar aon mhonatóireacht a bheidh déanta faoi fho-alt (1) a cheapfaidh sé a bheith réasúnach agus riachtanach, a choimeád agus a chothabháil. | |
[EN] | (3) Féadfaidh údarás áitiúil a cheangal ar áititheoir aon áitribh, seachas teaghais phríobháideach, óna bhfuil astaíocht, cibé monatóireacht a dhéanamh ar chineál, ar mhéid agus ar éifeacht na hastaíochta agus ar an aercháilíocht is dóigh leis an údarás áiti ufada/>il is gá agus cibé taifid ar an monatóireacht a choimeád agus a chur ar fáil don údarás áitiúil is dóigh leis an údarás áitiúil is gá. | |
[EN] | (4) Déanfaidh údarás áitiúil, má ordaíonn an tAire dó amhlaidh, taifid ar aon mhonatóireacht a bheidh déanta faoin alt seo a chur ar fáil dósan nó d'aon duine a shonróidh sé, i gceann cibé tréimhsí agus i cibé slí a ordóidh an tAire. | |
[EN] | (5) I gcás go mbainfidh caighdeán aercháilíochta lena limistéar feidhme nó le haon chuid de, déanfaidh an t-údarás áitiúil, i ndáil leis an limistéar lena mbaineann an caighdeán aercháilíochta, cibé comhshocraíochtaí le haghaidh monatóireachta is gá ionas go bhféadfaidh an t-údarás áitiúil a chinneadh an bhfuil an caighdeán aercháilíochta á chomhlíonadh. | |
[EN] | (6) Féadfaidh an tAire orduithe a thabhairt d'údarás áitiúil i ndáil leis na nithe seo a leanas— | |
[EN] | (a) líon agus suíomh na n-ionad laistigh de limisteár ar iontu a bheidh monatóireacht le déanamh, | |
[EN] | (b) an modh ar a ndéanfar samplú, tomhas agus anailísiú chun críocha an ailt seo, | |
[EN] | (c) an trealamh a bheidh le húsáid chun críocha an tsamplaithe, an tomhais nó an anailísithe sin, | |
[EN] | agus déanfaidh an t-údarás áitiúil de réir gach ordaithe den sórt sin ón Aire. | |
(7) Féadfaidh an tAire monatóireacht a dhéanamh, nó cibé comhshocraíochtaí a dhéanamh chun monatóireacht a dhéanamh, ar thruailliú aeir is dóigh leis is gá nó is inmhianaithe. | ||
[EN] |
Cumhacht cúirte chun oibreacha a údarú. |
55. —(1) Más rud é maidir le háititheoir aon áitribh, nach bhfuil ar a chumas, gan toiliú duine éigin eile, oibreacha a dhéanamh a gceanglaítear air iad a dhéanamh chun forálacha an Achta seo a chomhlíonadh, agus go ndiúltaíonn an duine eile sin toiliú leis na hoibreacha a dhéanamh, féadfaidh an t-áititheoir iarratas a dhéanamh chun na Cúirte Dúiche ar ordú faoin alt seo. |
[EN] | (2) Más rud é, ar iarratas a éisteacht faoi fho-alt (1), go gcinnfidh an Chúirt Dúiche gur dhiúltaigh an duine eile go míréasúnach a thoiliú a thabhairt, féadfaidh an Chúirt Dúiche dá rogha a mheas gur tugadh an toiliú agus a ordú d'áititheoir an áitribh na hoibreacha a dhéanamh. | |
[EN] | (3) Má cheanglaítear ar áititheoir aon áitribh oibreacha a dhéanamh de bhun an Achta seo ar an áitreabh, agus má mheasann an t-áititheoir sin gur chóir d'úinéir an áitribh sin nó do dhuine éigin eile a bhfuil leas aige ann, nó d'úinéir nó d'áititheoir áitribh thadhlaigh iomlán an chostais nó cuid den chostas a bhaineann leis na hoibreacha sin a ghlanadh, féadfaidh sé iarratas a dhéanamh chuig cúirt dlínse inniúla ar ordú á ordú go ndéanfaidh úinéir an áitribh, an duine eile a bhfuil leas aige ann nó úinéir nó áititheoir an áitribh thadhlaigh, de réir mar a bheidh, iomlán an chostais nó cibé cuid de chostas na n-oibreacha a bheidh sonraithe san ordú, a ghlanadh; agus déanfaidh an chúirt cibé ordú ar éisteacht an iarratais is dóigh léi a bheith cóir ag féachaint d'imthosca uile an cháis. | |
[EN] |
Feidhm an Achta Rialtais Áitiúil (Pleanáil agus Forbairt), 1963 . |
56. —(1) I gcás go ndeonaítear ceadúnas faoin Acht seo i ndáil le gléasra tionscail agus go dtugtar cead faoi Chuid IV den Acht Rialtais Áitiúil (Pleanáil agus Forbairt), 1963 , i leith an ghléasra chéanna, ansin maidir le haon choinníollacha a bhí i gceangal leis an gcead sin, scoirfidh siad, a mhéid a bhaineann siad ar bhealach ar bith le truailliú aeir, d'éifeacht a bheith leo. |
[EN] | (2) Má thugtar cead faoi Chuid IV den Acht Rialtais Áitiúil (Pleanáil agus Forbairt), 1963 , i ndáil le haon áitreabh ní dhéanfaidh sé sin aon dochar, difear ná srianadh ar bhealach ar bith ar fheidhmiú aon fhorála den Acht seo maidir leis an áitreabh sin. | |
[EN] |
Forálacha idirlinne i ndáil le hobair alcaile, etc. |
57. —(1) Maidir le forálacha an Alkali, etc. Works Regulation Act, 1906, i ndáil le hastaíochtaí, beidh feidhm acu, d'ainneoin aisghairm an Achta sin leis an Acht seo, maidir le gach obair iomchuí, go dtí go ndéanfar ceadúnas faoin Acht seo a dheonú i leith na hoibre. |
[EN] | (2) D'ainneoin fhorálacha fho-alt (1), ní bheidh feidhm maidir le hobair iomchuí ag forálacha alt 9 den Alkali, etc. Works Regulation Act, 1906, i ndáil le clárú oibreacha. | |
[EN] | (3) Údarás áitiúil ar ina limistéar feidhme atá obair iomchuí suite, beidh sé, tráth thosach feidhme an ailt seo agus dá éis, freagrach as a chinntiú go ndéanfar an obair sin de réir fhorálacha fho-alt (1). | |
[EN] | (4) San alt seo, ciallaíonn “obair iomchuí” gléasra tionscail láithreach— | |
[EN] | (a) ar obair alcaile é de réir bhrí an Alkali, etc. Works Regulation Act, 1906, nó | |
[EN] | (b) ar obair é a liostaítear sa Chéad Sceideal a ghabhann leis an Acht sin. | |
[EN] |
Forálacha idirlinne i ndáil le hoibreacha incheadúnaithe áirithe. |
58. —Maidir le forálacha alt 10 den Acht Rialtais Áitiúil (Seirbhísí Sláintíochta), 1962 , agus na Rialachán um Thruailliú an Atmaisféir a Rialú (Ceadúnú), 1985, beidh feidhm acu, d'ainneoin aisghairm an Achta sin agus na Rialachán sin leis an Acht seo, maidir le gléasra tionscail láithreach a úsáidtear chun críche aon trádala, oibreacha nó próisis de réir bhrí na rialachán sin go dtí go ndeonófar ceadúnas faoin Acht seo i leith an ghléasra lena mbaineann. |
[EN] |
Cosaint. |
59. —(1) Aon ní san Acht seo ní dhéanfaidh sé dleathach aon ghníomh nó mainneachtain a measfaí, murach an tAcht seo, é a bheith ina núis nó a bheith, ar shlí eile, contrártha don dlí, nó a choiscfeadh ar aon duine aon leigheas a mbeadh sé ina theideal murach gur ritheadh an tAcht seo. |
[EN] | (2) Ní bheidh duine i dteideal gléasra tionscail a fhoirgniú, a athrú nó a oibriú nó aon oibríocht nó gníomhaíocht eile a sheoladh de bhíthin amháin gur deonaíodh ceadúnas faoin Acht seo. | |
[EN] | (3) Taobh amuigh d'alt 28 (4), ní dhéanfaidh aon ní san Acht seo difear d'oibriú na nAchtanna um Shábháilteacht i dTionscal, 1955 agus 1980, i ndáil le monarchana nó le haon áitribh eile lena mbaineann na hAchtanna sin. |