An Chéad Lch. Lch. Roimhe Seo (CUID III Forbairt agus an Bord Tráchtála a dhíscaoileadh agus Forálacha Idirthréimhseacha) Ar Aghaidh (CUID V Foireann na Gníomhaireachta Forbartha Tionscail (Éire))

34 1998

AN tACHT UM FHORBAIRT TIONSCAIL (FIONTRAÍOCHT ÉIREANN), 1998

[EN]
[EN]

CUID IV

Deontais agus Greasachtaí Tionscail

[EN]

Deontais do Forfás, do GFT agus do Fiontraíocht Éireann.

33. —Leasaítear leis seo Acht 1993 tríd an alt seo a leanas a chur in ionad alt 11:

“Deontais do Forfás, do GFT agus do Fiontraíocht Éireann.

11.—(1) Féadfaidh an tAire deontais de cibé méideanna a cheadóidh an tAire le toiliú an Aire Airgeadais, a íoc le Forfás, le GFT agus le Fiontraíocht Éireann as airgead a sholáthróidh an tOireachtas—

(a) chun a chumasú do Forfás, do GFT agus do Fiontraíocht Éireann a chaiteachais riaracháin agus a chaiteachais ghinearálta a íoc, agus

(b) chun a oibleagáidí agus a dhliteanais a urscaoileadh.

(2) Ní mó ná £1,500,000,000 méid comhiomlán na ndeontas a thabharfaidh an tAire do Forfás agus do na Gníomhaireachtaí faoi fho-alt (1)(b) (seachas deontais lena mbaineann alt 14(3) d'Acht 1986).”.
[EN]

Greasachtaí Tionscail.

34. —(1) Leasaítear leis seo Acht 1993 tríd an méid seo a leanas a chur in ionad alt 12:

“Greasachtaí Tionscail.

12.—(1) Gan cead a fháil roimh ré ón Rialtas, ní mó san iomlán méid iomlán an airgid a thabharfar do ghnóthas tionscail ar leith faoi aon alt dá dtagraítear in alt 34 d'Acht 1986 ná an tsuim is mó de na suimeanna seo a leanas—

(a) £4,000,000, nó

(b) £4,000,000 de bhreis ar mhéid comhiomlán na ndeontas a bhfuarthas cead roimh ré ón Rialtas cheana féin ina leith.

(2) Féadfaidh Fiontraíocht Éireann agus GFT deontais a thabhairt ar cibé téarmaí agus coinníollacha is cuí leo chun duine a fhostú i dtionscal seirbhíse (de réir bhrí Acht 1986).”.
[EN]

(2) Leasaítear leis seo Acht 1986—

[EN]

(a) in alt 24(5), trí “£1,200,000” a chur in ionad “£750,000”,

[EN]

(b) in alt 25(4), trí “£2,000,000” a chur in ionad “£1,250,000”,

[EN]

(c) in alt 26(2), trí “£1,200,000” a chur in ionad “£750,000”,

[EN]

(d) in alt 27(2), trí “£480,000” a chur in ionad “£300,000”,

[EN]

(e) in alt 28(4), trí “£3,200,000” a chur in ionad “£2,000,000”,

[EN]

(f) in alt 29(4)(a) agus (b), trí “£400,000” a chur in ionad “£250,000”,

[EN]

(g) in alt 29(7)(a) agus (b), trí “£800,000” a chur in ionad “£500,000”,

[EN]

(h) in alt 30(5)(a) agus (b), trí “£400,000” a chur in ionad “£250,000”,

[EN]

(i) in alt 30(6)(a) agus (b), trí “£800,000” a chur in ionad “£500,000”, agus

[EN]

(j) trí “£2,500,000” a chur in ionad “£1,500,000” in alt 31(4).

[EN]

Deontais do Chuideachta Forbartha Aerfort Neamhchustam na Sionna Teoranta.

35. —Leasaítear leis seo an tAcht um Chuideachta Forbartha Aerfort Neamhchustam na Sionna Teoranta (Leasú), 1986 —

[EN]

(a) in alt 2, trí “£200,000,000” a chur in ionad “£150,000,000” (a cuireadh isteach le halt 10 den Acht um Fhorbairt Tionscail (Leasú), 1991), agus

[EN]

(b) in alt 3, trí “£250,000,000” a chur in ionad “£200,000,000” (a cuireadh isteach le halt 8 d'Acht 1995).