An tAcht um an Seachtú Leasú Déag ar an mBunreacht, 1997

Seventeenth Amendment of the Constitution Act, 1997

AN tACHT UM AN SEACHTÚ LEASÚ DÉAG AR AN mBUNREACHT, 1997

RIAR NA nALT

AN SCEIDEAL

Cuid I

Cuid II

AN tACHT UM AN SEACHTÚ LEASÚ DÉAG AR AN mBUNREACHT, 1997

ACHT CHUN AN BUNREACHT A LEASÚ. [14 Samhain, 1997]

DE BHRÍ gur cead, de bhua Airteagal 46 den Bhunreacht, foráil ar bith den Bhunreacht a leasú ar an modh a shocraítear leis an Airteagal sin:

AGUS DE BHRÍ go bhfuil beartaithe Airteagal 28 den Bhunreacht a leasú:

ACHTAÍTEAR AG AN OIREACHTAS AR AN ÁBHAR SIN MAR A LEANAS:

Airteagal 28 den Bhunreacht a leasú.

1. —Leasaítear leis seo mar a leanas Airteagal 28 den Bhunreacht:

(a) cuirfear an fo-alt a bhfuil an téacs de leagtha amach i gCuid I den Sceideal a ghabhann leis an Acht seo isteach i ndiaidh fho-alt 2° d'alt 4 den téacs Gaeilge,

(b) cuirfear an fo-alt a bhfuil an téacs de leagtha amach i gCuid II den Sceideal a ghabhann leis an Acht seo isteach i ndiaidh fho-alt 2° d'alt 4 den téacs Sacs-Bhéarla,

(c) déanfar fo-alt 3° d'alt 4 den dá théacs a uimhriú mar fho-alt 4°.

Lua.

2. —(1) An Seachtú Leasú Déag ar an mBunreacht a thabharfar ar an leasú a dhéantar ar an mBunreacht leis an Acht seo.

(2) Féadfar an tAcht um an Seachtú Leasú Déag ar an mBunreacht, 1997 , a ghairm den Acht seo.